قصيده شعر لكلب فافى

أنا حفطس منكم بزغـُطـَّة
قصيدة على لسان كلب (فافي )



هَوْ هَوْ هَوْ هوْ
هَوْ هَوْ هَوْ هَوْ

أنا كلب حليوة ... وواكل الجو
أنا أصلي رقيق ..
حبوب ووفائي
لكل صديق
صحتي كدة بمب ومتعافي.
وبروح النادي وبتفسح
وكمان كوكي بارك وبتمرجح
ف رقبتي بطاقتي الشخصية
فيها صورتي ورسمي وأوصافي
وكمان مدَّلع ومشخْلع.
وبنام في سرير..
ناعم وحرير
ولا فهشي شخير
وبقوم م النوم ..أشربلي عصير
وباخد حمام وكمان دافي
شامبو وسشوار .. وكريم وعطور
وإيدين بتاخدني على البشكير
أصل أنا ديليكاه ... وكمان فافي
مدمن شوكولا ..ولا أقولشي الآه
وبرح للدكتورم العطسة
واللحمة باكلها طول الأسبوع
وانا مالي الناس ما تقع م الجوع!
والشعب مالاقي ولا العضمة
وأنا حبة وحفطس م التخمة
والناس من قـِلـِّة أهي فاطسة.
أنا دبت خلاص من حسد الناس
الوحشة الكُخة عيون السَّوْ
هَوْ هَوْ هَوْ هوْ
هَوْ هَوْ هَوْ هوْ .

بلحس (بنبون) وبحلى بفاكهة كمان وجاتوه
في الصيف بلبس للبحر مايوه.
في البرد جاكيت
صوف أصلي أصيل
وعليا تمام كدة متفصَّل

دانا إبن حسب ونسب و أصول
وتاريخ العيلة دا متأصل
Beagle (بيجل )
(Terrier) تيريير
داتشوند Dachshund
كمان وكمان Afghan
وكمان ( لولو)*
ما أنا عايش حلو ومتسلطن
والناس ما تقول للي تقولوا

صلوا على النبي لو جبتم سيرتي
أحسن بسببكم اموت مخنوق
وأروح في الباباي بزغـُطَّة.
دا أنا كدة أحسن من ميت قطة .
حتى ولو رقصت م الفرحة
على لحن أغاني البسبس نو

هَوْ هَوْ هَوْ هوْ
هَوْ هَوْ هَوْ هَوْ



* دي بعض من أنواع الكلاب الأصيلة



مــنــقــول