مستمعينا الاعزاء النهارده هنتكلم عن موضوع مهم جدا و هو ازاى نلفت نظر اللى بنحبه عشان نعرف اننا بنحبه من غير مايبان اننا بنحبه ( والله مانا فاهم حاجه )
المهم دا موضوع طبعا انا واثق انه شاغل كتير من البنات والشباب وانا مستنى ايميلاتكم و اتصالتكم
ومعانا تليفون ونقول الوووووووو
المتصل: ازيك يا جميل على فكره موضوع الحلقه النهارده يجنن وانا بحبك قوى و ماما كمان بتحبك موت
المذيع: ربنا يخليكى بس انتى موطيه صوتك ليه بس؟
المتصل: اصلى بتكلم من تحت السرير مانت عارف بقى اننا مجتمع شرقى و متخلف فيها ايه يعنى لما بنت تكلم واحد الساعه 1 بعد نص الليل مش فاهمه انا ايه الرجعيه دى المهم خلينا فى موضوعنا انا اسمى باكينام وبحب ولد زميلى فى الكليه و هو مش حاسس بيه يا ترى اعمل ايه معاه ؟ ؟
المذيع: بصى فى كذا طريقه اولها انك تيجى قدامه و تعملى انك اتخبطى فيه و توقعى كتبك و هو اكيد هيلمهم معاكى تروحى ماسكه ايديه على انها الكتاب ( قال يعنى ايده ملمسها ورقى اصمله ) و تروحى مسبله بحنيه و رقه وقايلاله معاكش سجاره فرط يا زميلى ..... والمفروض انه لو انسان رومانسى هيفهم انك بتموتى فيه
لو ماجبتش معاه ممكن تجربى طريقه تانيه : ممكن تخليه ماشى فى الشارع وتسلطى واحده صاحبتك تعاكسه و لما هو يضايق قوى من المعاكسه ويبقى خلاص هيعيط تدخلى انتى وتروحى ضربه صاحبتك قلمين(هتدفعى تمنهم طبعا بعد الفيلم ده ) و تقوليلو لامؤاخذه يا كابتن اصل البنات مبقاش عندها رحمه اليومين دول ومبقوش يفرقو بين الولد المؤدب والولد اللى سيكو سيكو "عذرا فى الكلمة" وهو لو بيفهم اكيد هياخد موبيلك وابقى احكيلى بقى على الباااااااااقى
لو منفعتش معاه والا حاجه من الكلام ده يبقى اتاكدى بقى من نفسك الاول
وباهديلك اغنيه ( ليه يا زمان مسيبتناش ابريااااااااااااااااااااااا )
اعزائى المستمعين فى انتظار مكالماتكم
فاصل ونواصل
منقول ...
موضوع: اناو الهبل و هواك مع اسامه فطير 
الخميس أغسطس 30, 2007 3:54 pm
